Еден од најупотребуваните производи во козметичката индустријата. Спаѓа во групата на производи за стајлинг и може да “го спаси” вашиот изглед или да го претвори во комплетна катастрофа. Пред да го купите, проверете ја неговата цврстина и побарајте препорака за да не купите “тешка” материја.
Еве ги одговорите на неколку прашања кои стигнаа до нашииот тим и решивме да ги ставиме на едно место за полесно да го запознаете неговото височество – Лакот за коса 🙂

Кога е измислен лакот за коса? – Во 1948год. по патентот на аеросолниот процес и изработката на аеросолниот спреј во пакување. Индустријата за убавина видела дека аеросолните лименки што се користат во Втората светска војна за инсектициди може да се користат како распрскувачи со бенефити за коса. И секако, го искористила сознанието за да создаде еден од најпродаваните производи за стајлинг на коса.

Дали лакот за коса има рок на употреба? – Правилото е дека косата само нема да биде остра и цврста ако лакот го загуби дејството (што според некои козметички линии се случува по 18 месеци од правото прскање). Рокот во кој се смета дека може да се употреби лакот по производството е 3 год. Сепак, може да „тргне на лошо“ на друг начин. На пример, ако вашата коса почнува да мириса некако чудно/лошо или едноставно мириса на застоена по прскањето.

Дали е штетно да се користи лак за коса секојдневно? – Доколку не потрошите пола од спрејот на едно прскање, не е штетно. Сѐ додека го користите во умерени количини, не постои ризик лакот да ви ја оштети косата. Ако производот го користите често, препораката за редовно миење на косата е пожелно да ја применувате.

Дали лакот за коса може да предизвика ќелавост? – Поризводите за коса не може да предизвикаат ќелавост. Одредена состојка од производот може да предизвика штети кои може да доведат до оштетувања, минорни или трајни. Но затоа, континуираното затегнувањето на коса во реп, плетенка и слично на подолг рок, може да предизвика повеќе оштетувања кои резултираат со ќелавост.