Негата на косата не се состои само во купување на убав шампон и регенератор и редовно миење. За да имате здрава, цврста и сјајна коса, потребно е да знаете како да се грижите за вашата коса секојдневно. Еве неколку совети кои може да ви помогнат:

• Редовно потстрижување. Разделените краеви на косата ѝ даваат несреден изглед. Редовното потстрижување значи негувана и здрава коса.
• Употребувајте соодветен шампон. Многу е важно да користите шампон наменет за вашиот тип на коса: мрсна, сува, оштетена или третирана коса со хемиски средства…
• Масирајте го скалпот додека се шампонирате. Така ќе ја подобрите циркулацијата.
• Користете регенератор. Тој ја прави косата помека и полесна за чешлање.
• Внимавајте колку и како ја чешлате. Со прекумерно чешлање можете само да го оштетите влакното. Користете голем број на мали кратки движења со чешелот, наместо да го поминувате целиот прамен со едно движење. Започнете со чешлање од краевите и постепено движете се нагоре.
• Никогаш не ја чешлајте косата додека е влажна. Пред да влезете да се туширате, исчешлајте ја косата. Така ќе ја отстраните нечистотијата што се наоѓа врз неа и ќе ја расплетете. Кога косата е влажна таа е посклона кон кинење. Тргањето со чешелот лесно го кине влакното.
• Не си легнувајте со влажна коса. Во спиењето косата се трие и тоа ќе предизвика оштетување. Утринската главоболка може да биде лош бонус.
• Во летниот период избегнувајте директно и долго изложување на сонце. Пливањето во базен многу негативно влијае на изгледот на вашата коса, поради големото количество хлор. Во овој период од годината задолжително користете препарати за заштита!
• Внесувајте доволно витамини и минерали во исхраната. Недостатокот на железо може да предизвика опаѓање на косата. Недостаток на витамин Б ќе се одрази многу на квалитетот на вашата коса.
• Екстремното слабеење во краток период му создава многу стрес на вашето тело. Диетите во кои не се вклучени доволно протеини и железо или пак препорачуваат многу протеини, а малку зеленчук и овошје (како Аткинсовата диета), може да доведат до значително опаѓање и слабеење на косата.
• Фен, преса или фигаро користете ги многу ретко. Пред да започнете со стилизирање на косата, врз неа нанесете препарат за заштита кој ќе ја заштити косата од силната топлина.
• Бојадисаната коса полесно се суши и ѝ е потребна дополнителна нега. Секогаш користете шампон наменет за бојадисана коса и регератор соодветен на проблемот кој го предизвикува боењето.